“Bilimlar bog‘i: kelajak jamiyati laboratoriyasi”– bu O‘zbekistonning madaniy o‘zligini ifodalovchi makon. Bu bog‘ qadimiy bilimlar, milliy meros, hamda kelajak uchun yaratilayotgan texnologik yangiliklarni birlashtiradi.
Bu sayohat har tomonlama his etiladigan va abadiy. Pavilyon ichidagi yo‘l bog‘ hayoti siklini aks ettiradi. U urug‘ sepiladigan va sug‘oriladigan tuproq qorong‘iligidan boshlanib, osmonga qarab o‘sayotgan daraxtlar bilan tugaydi.
Boshlanish nuqtasi – tuproqning o‘zi. Pavilyonga kiraverishda egri shakldagi g‘ishtli yo‘lak bor, u yerda qo‘lda yasalgan tuproq devorlari suv nurlari bilan yaltirab turadi va mehmonlarni ichkariga chorlaydi.
Shundan keyin ko‘rgazmaning asosiy qismi – Tuproq ga o‘tiladi. Bu yerda yer osti kayfiyatidagi doira shaklidagi joyda tuproqdan yasalgan kvadratli minbarlar bor. Ularning ustida O‘zbekiston haqidagi hikoyalar zamonaviy LED ekranlar orqali taqdim etiladi.
Ko‘rgazma namunalariga – dioramalar va 3D modellar kiradi. Ular innovatsiya, barqarorlik va ta’lim mavzularini yoritadi. Loyihalar orasida deyarli nol energiya iste’mol qiladigan uy, yashil poezd tarmog‘i va qayta tiklanuvchi energiya manbalari bor.
Tuproq devorlar bo‘ylab vizual panorama cho‘zilgan – daryo kabi oqib boradigan bu tasvirlar qadimiy yodgorliklar, kelajak shaharlari va tabiat manzaralarini ikki qavatli texnologik oqim shaklida ko‘rsatadi.
Markaziy qism – Inkubator. Mehmonlar bilimlar bilan to‘la makonda 360 darajali sensorli va vizual voqelik ichiga kiradilar. Bu platforma (Yaponiyada ilk bor qo‘llanilayotgan texnologiya) yer ostidan sekin ko‘tariladi.
Ichkarida jonlangan naqshlar, tovushlar va hikoyalar uyg‘unligi mehmonlarni o‘ziga tortadi – qadimiy bezaklarning geometrik raqsi, Samarqanddagi Registon maydonining me’morchiligi, cho‘l manzaralari va kelajak uchun qayta tasavvur qilingan zamonaviy barqaror shaharlar ko‘z o‘ngida jonlanadi.
Bu tuproqdan osmongacha bo‘lgan safar, atrofga o‘sib chiqqan anor daraxtlari bilan yakunlanadi. Bu ko‘tarilgan platformaning pavilyon tepasiga yetganini bildiradi.
Shu yerda “bog‘‘” tushunchasi yanada yaqqol ko‘rinadi: Yaponiya orollaridan barqaror manbalar orqali olingan daraxtlardan yasalgan yog‘och ustunlar go‘yo o‘rmonga aylangan holatda osmonga qarab qad ko‘taradi.
Bu bog‘ insonni bir lahzaga to‘xtatadi – fikr yuritish, his qilish va shu ondan bahramand bo‘lish uchun. Chunki bu O‘zbekistonning qadimiy donoligi va madaniy merosi, urug‘ va tuproqdan boshlab, daraxt va mevalarga, nihoyat, kelajakdagi innovatsion, ilg‘or va barqaror jamiyatga aylanish jarayonini ifodalaydi.