O‘zbekiston pavilyoni – bu xalqning boy madaniy merosi qatlamlari bo‘ylab sayohat bo‘lib, “Bilimlar bog‘i: kelajak jamiyati laboratoriyasi” mavzusidan ilhomlangan. Ushbu pavilion O‘zbekiston Madaniyat va san’atni rivojlantirish jamg‘armasi (ACDF) tomonidan hayotga tatbiq etilgan bo‘lib, ATELIER BRÜCKNER tomonidan yaratilgan mukofotga sazovor dizayn asosida bunyod etilgan. Bu pavilion hayot aylanasining ramzi sifatida inson va tabiat o‘rtasidagi uyg‘unlikni fazoviy ifoda etadi.
Asrlar davomida O‘zbekiston bog‘lari – madaniy almashinuv, intellektual mulohaza, insoniy aloqalar va ijtimoiy yig‘ilishlar uchun ilhom manbai bo‘lgan go‘zal maskanlar sifatida xizmat qilgan. G‘isht, loy va Osakani o‘rab turgan tog‘lardan keltirilgan sugi kedr yog‘ochining uyg‘unligida yaratilgan ushbu pavilion – O‘zbekistonning bog‘lari va me’moriy merosining zamonaviy talqinidir. U ikki qavatni egallagan bo‘lib, uchburchak shaklida joylashgan va qadimgi O‘rta Osiyo tumorining shaklini takrorlaydi. Sayohat O‘zbekistonning qadimiy an’analaridan tortib zamonaviy innovatsiyalarigacha bo‘lgan DNK qatlamlarini sinchkovlik bilan ochib beradi, hunarmandchilik, texnologiya, materiallar, barqarorlik, fan, arxitektura, tarix va ijodkorlikni o‘rganadi.
Tuproq qa’ridan gullab-yashnayotgan o‘rmonlar, osmon ostidagi gullar va mevalargacha bo‘lgan urug‘lar va ildizlar O‘zbekistonning yuragiga hayotbaxsh sayohatga otlanadi - bu bizning Bilimlar bog‘imizning go‘zalligi va donoligi bilan yakunlanadi.
aa-copy.jpeg)
"Bugun O‘zbekiston tarixiy burilish nuqtasida turib, boy merosimizni kelajakning cheksiz imkoniyatlari bilan uyg‘unlashtirgan holda o‘z oldiga dadil maqsadlar qo‘ymoqda. Mamlakatimiz ilg‘or texnologiyalar, "yashil" energetika va barqaror rivojlanish g‘oyalariga sodiq bo‘lib, xalqimizning shijoati va yuksak orzu-intilishlari bilan olg‘a bormoqda.
"Ekspo-2025 Osaka" ko‘rgazmasidagi O‘zbekiston milliy pavilyoni ana shu yo‘limizni aks ettirib, yutuqlarimiz va xalqimizning innovatsion ruhini namoyish etmoqda. Bu pavilyon O‘zbekistonning taraqqiyot va global hamkorlik yo‘lidagi qat’iy intilishidan dalolatdir."
O‘zbekiston azaldan qadimiy sivilizatsiyalar chorrahasida bo‘lib, bu yerda Buyuk Ipak yo‘li bo‘ylab ilmiy va madaniy bilimlar gullab-yashnagan. Pavilion mamlakatimizning barqarorlik va innovatsiyalarga sodiqligi ramzi bo‘lib, O‘zbekiston Madaniyat va san’atni rivojlantirish jamg‘armasining mahalliy va global miqyosda madaniy rivojlanishga uzoq muddatli hissa qo‘shishga qaratilgan e’tiborini aks ettiradi. Bu, shuningdek, yaqinda O‘zbekiston pavilioni “German Design Award-2025” mukofotining “A’lo me’morchilik – yarmarka va ko‘rgazmalar” nominatsiyasida oltin mukofot bilan taqdirlangani, butun dunyoda e’tirof etilgan me’moriy yutuq bo‘lib, merosni asrab-avaylash, ilg‘or dizaynni qo‘llab-quvvatlash va xalqaro muloqotni rivojlantirishga bo‘lgan sadoqatimizni ta’kidlaydi.
.jpg)
